Сре08212019

Последна промена06:36:46 PM

SCREEN

Cpanel

          

  • sileks
Back Вие сте на: Home ВО СВЕТОТ НА УСПЕШНИТЕ ,,Во светот на успешните" Борис Маркулески

ВО СВЕТОТ НА УСПЕШНИТЕ

,,Во светот на успешните" Борис Маркулески

Сподели

Оваа недела ,,Во светот на успешните" Борис Маркулески.

 „Во светот на успешните“ е катче на Охриднет резервирано за луѓето кои по многу нешта се уникатни, дисциплинирани и одговорни во својата работа, имаат визија и стратегија да творат, да прават,  создаваат  и да ги мотивираат другите. Станува збор за катче на Охриднет посветено само за луѓето што се лидери во својата фела, кои се пожртвувани и креираат вредности, знаат успешно да водат бизнис…..

Успешни се оние кои се чесни и посветени во професијата, кон народот и заедницата и кои не штедат ни време ни енергија да стигнат високо до целта.

Во ,,Светот на успешните” оваа недела Борис  Маркулески . Млад и амбициозен,  но и професионален и истакнат туристички работник од Охрид.  Сопственик и менаџер на хотелот  ,,Тино Свети Стефан” Спа.

Винчензи Маркулески се едно од популарните охридски семејства. Сопственици на ланец хотели, ресторани и угостителски објекти. Познати како среќно  семејство, богато со  синови, снаи и внучиња. Мајката на Борис  е италијанка,  Франка Винчензи, главна на вкусната надалеку позната  кујна  на  брендот ,,Тино”……Маркулевски се доказ дека може да постои успешна фамилијарна бизнис приказна......

Во продолжение интервјуто со Борис Маркулески.

Борис со сопругата и двајцата синови 

Охриднет:  Како е да се управува со најубавиот и најсовремениот хотел на брегот на Охридското езеро?

Борис Маркулевски: Како и секој бизнис, менаџирањето на хотел има доста предизвици, меѓутоа клучно е на секој предизвик да се гледа со позитивен став. Нашиот бизнис е фамилијарен, па заедничкото управување со моите браќа и родители е она што не движи напред. Исто така, добриот тим на вработени што го создадовме  низ годините е од голема важност.

Борис и неговите двајца браќа  Деан и Тино

Охриднет: Вие долги години сте во туризмот и угостителството  располагате со уште еден хотел, популарниот ,,Тино" на кејот на Охридското езеро и еден од најдобрите ресторани. Кажете ми која е тајната на успехот?

Борис Маркулевски: Да, популарниот ,,Тино" на кејот на Охридското езеро е всушнот местото од кое што пред 17 години моите родители ја започнаа успешната приказна на квалитет и гостопримство, а новиот Хотел ,,Тино Свети Стефан" е продолжување на нашиот бренд и традиција. Како што кажав, нашиот бизнис е фамилијарен, па поддршката и лојалноста која што ја имаме меѓусебно како фамилија, и колективната посветеноста и желба кон нашата работа, е она што го прави нашиот бизнис успешен. Мојот татко Валентин и мојата мајка Франческа, која сите овие години е главен кувар во кујната на ,,Тино"  е без конкуренција најдобра во својата работа, се основата на сите успеси на хотелите. Тие се луѓето коишто ни ја поставија подлогата на која јас и моите браќа - Деан и Тино, колективно го надградуваме и прошируваме бизнисот.

Охриднет: За крај кои се вашите идни планови? Каде се гледате себе си за десетина години? Што би сакале да направите ?

Нашиот бизнис е таков, што по природа бара постојано вложување , надоградување и иновирање за задоволување на вкусовите на се поголем и поголем број домашни и странски гости. Согласно на тоа, имаме уште многу идеи и цели кои сакаме да ги оствариме, меѓутоа чекор по чекор. Најново нешто од нашиот бренд е претстојното отварање на ,,Тино'с Паб и Бар", веднаш до Хотел ,,Тино" на кејот, кој ќе биде со богата програма, и ќе ја зголеми целокупната туристичка понуда на градот. Главна мотивација ми останува фамилијата, и се надевам дека еден ден бизнисот успешно ќе го водат моите деца и внуци.

Франческа и Валентин со многуте внуци

 

  • Granit

ФОТО

 

ПРИДРУЖЕТЕ НИ СЕ НА FACEBOOK