Пон08032020

Последна промена02:18:24 PM

SCREEN

Cpanel

  

  • sileks
Back Вие сте на: Home Вести Охрид Колев се откажува од пратеничките бенефиции

Колев се откажува од пратеничките бенефиции

Сподели

„Стартуваме со личен пример да предизвикаме процес на промена во општеството - се откажувам од пратеничките бенефиции, патни трошоци и сите примања над минималниот износ за плата“, рече  претседателот на ГДУ и носител во ИЕ3, Петар Колев, кој  пред јавноста соопшти дека веќе има депонира изјава на нотар.

 

„Доколку гласачите од ИЕ 3 ми ја доверат задачата преку Собранието да го отпочнам процесот на промени, што како партија ги бараме и најавуваме, во текот на четиригодишниот мандат се откажувам од вкупните месечни примања што ќе ги остварувам по било кој основ – како личендоход или дневници како пратеник во Собранието на Република Македонија, а кои ќе го надминуваат износот од 14.500,00 денари. Износот над минималната плата ќе го донирам во хуманитарни цели. И се откажувам и од средствата предвидени за патни трошоци кои ако нема правен модул како да останат во буџетот на Собранието, исто та ка ќе ги донирам за истите хуманитарни цели“, изјави на вчерашната прес – конференција претседателот на ГДУ и носител во ИЕ 3 Петар Колев.

Според последните извештаи од Собранието за личните доходи, еден пратеник во текот на годината остварува нето плата во износ од речиси 14 илјади евра, или неполни 60 илјади евра во текот на мандатот. Ако пратеникот се откаже од околу 950 евра нето плата, само по овој основ во период од 4 години во хуманитарни цели за ранливи категории и лица со посебни потреби ќе се слеат околу 45 илјади евра.

„Бранот на промени стартува прво внатре во Граѓанската демократска унија. Секој кандидат на листите за пратеници на ГДУ ќе потпише идентична изјава на нотар, иако дел веќе потпишаа. Секој од нас стартува со личниот пример, дека ќе ги исполниме ветувањата и планираме да се задржиме како позитивно цунами за бајатата македонска политичката сцена“, дополни Колев.

ГДУ

  • Granit

ФОТО

 

ПРИДРУЖЕТЕ НИ СЕ НА FACEBOOK