Охриднет

Општина Вевчани наскоро ќе добие „тач-скрин“ иформативни табли преку кои ќе се информираат туристите за понудите од кафеани, ресторани, до културни збиднувања и план на Вевчани со локации на културно-историските знаменитости кое ги нуди општината.

Вчера градоначалникот на општина Вевчани Цветомир Угриноски, оствари неформална средба со Министерот за информатичко општество и администрација  Иво Ивановски на која министерот вети дека наскоро во Вевчани ќе се постават „тач-скрин“ информативните табли.

Исто така на средбата беше договорено да се создадат три бесплатни интернет зони на следниве локации:

1 .Во споменикот на природата „Вевчански извори“

2. Центар – Вевчани

3. Образовно, спортско рекреативен центар - Вевчани