Кривична за велештанецот кој пукаше во својот брат

Сподели

Поради постоење основи на сомнение за сторено казнено дело „убиство во обид“, полициската станица од Струга поднесе кривична пријава против А.Н. (44) од струшкото село Велешта.

Него одредена му е мерка притвор во траење од 30 дена.
На 22 минатиот месец, пријавениот физички го нападнал неговиот брат Б.Н. а потоа кон него испукал еден куршум од огнено оружје-пиштол кое нелегално го поседувал. Настанот се случил околу 23 часот во центарот на селото Велешта каде се сретнале двајцата браќа. Притоа настанала жестока вербална расправија а потоа и физички напад од сега притворениот кон неговиот брат.
Во еден момент, сега притворениот А.Н. го извадил пиштолот и со ракохватот го удрил својот брат во пределот на главата а потоа кон него испукал еден куршум нанесувајќи му влезно-излезна рана во пределот на слабината. Веднаш потоа А.Н. влегол во своето патничко моторно возили марка „Мерцедес“ и избегал од местото. Повредениот Б.Н. е пренесен во општата болница во Струга каде е извршена медицинска интервенција и му е дадена неопходната медицинска нега.
Полициската станица од Струга на 10-ти овој месец го пронајде и приведе А.Н. по што по решение од Основниот суд во Струга одредена му е мерката притвор.