Бесправно доградувал угостителски објект во Охрид

Сподели

Поради постоење основи на сомнение за сторено казнено дело „бесправно градење“, СВР Охрид поднесе кривична пријава против И.М. (37) од струшкото село Враништа.


Во текот на јануари оваа година, пријавениот на катарстарска парцела бр.16598 Охрид-3 на закупен угостителски објект на Кеј „Македонија“, без да поседува одобрение за градење, на два оградни зидови поставил по пет „пвц“ прозори од кои осум со димензии 2,25 метри x 0,7 метри и два прозори 0,75 метри x 0,7 метри.
-Пријавениот прозорците ги поставил на објект, за кој овластениот градежен инспектор од Општинскиот инспекторат од Охрид, во 2012 година донесол решение со кое на сопственикот на објектот му било наредено да ја отстрани градбата односно го отстрани бесправно изградениот зид со висина од 2 метри и должина од 26 метри како и металната подвижна конструкција со димензии 5,45 x 12,00 метри и висина од 0,80 метри, изјави Стефан Димоски портпарол на СВР Охрид.
По ова решение, сопственикот на угостителскиот објект се уште не постапил.