Охриднет

Веселите лазарки во Вевчани го најавија доаѓањето на еден од најголемите празници Христовото Восресение Велигден.

 Трета година по ред во  прекрасното Вевчани е возобновена старата народна традиција  со сите обичаи за Лазарова сабота.

-„Да се обнови една народна традиција која последно е забележана 1951 година и не е така лесна работа, не посебно денеска во време-невреме, но наше е да се обидеме само колку да останеме верни чувари на вевчанската култура и традиција и секогаш давајќи скромен придонес“, велат од КУД „Дримкол“ Вевчани. 

Има повеќе лазарски песни кои обично се со оптимистична и духовита содржина и посакуваат здравје, успех и напредок. Лазарова сабота е најава за пролетта и Велигден. 

Младите девојки облечени како невести накитени со накит одат по домовите  и ги благословуваат домаќините. 

И во струшко Радожда со векови се чува традицијата. И таму младите лазарки ги распеаа убавите пролетни празнични песни.