Сре12122018

Последна промена08:44:33 AM

 

Back Вие сте на: Home Вести Вевчани Ликовна изложба на Анкица во Вевчани

Ликовна изложба на Анкица во Вевчани

Сподели

Синоќа во Вевчани беше отворена првата самостојна изложба на Анкица Китаноска.

Во рамките на Вевчанското културно лето -2018 година,пред верскиот празник Преображение на Господ Исус Христос,вчера во Вевчани беше отворена првата самостојна изложба на младата вевчанска сликарка Анкица Китаноска. Изложбата ја отвори хроничарот на Вевчани,писателот,поетот и публицист Мишо Китаноски.
„Вевчанскиот ликовен круг почна пред многу години со академскиот сликар Стојан Размоски,а продолжи многу подоцна со академските сликари:Никола Угриноски како и со Марјана Костојчиноска и Владо Мукоски, рече Китаноски на отворањето на изложбата.Од изложените платна,може да се види дека Китаноска,своите сега-засега творечки преокупации ги има сместено и насочено во две сосема различни ликовни насоки:во портретите и пејсажот.Додека во портретот таа се нурнува пред се,во психолошките пулсирања и тајните на оној што го слиака,односно на неговиот лик,во сликите што припаѓаат на пејсажот,работата стои сосема поинаку.Во нив младата сликарка импресионирана и освоена од убавините,но и од чуството и сознанието дека слика еден митски омеѓен простор што и припаѓа на планината Јабланица,таа не ги штеди своите внатрешни треперења сосема спонтано сликарски богато да ги искаже,односно да ги плисне со и во боите.Со тоа,таа многу успешн и повпечатлив начин покажува и докажува дека таму до каде што стигнува нејзината инспирација уште потаму продолжува чуствителноста со играта на бојат и преобразбата на платното во делото што пленува и освојува .Значи,збор станува за талентираната уметничка,чии сегашни ( изложени ) дела,се доволна гаранција да го тврдиме следното:Аница Китаноска е на вистинскиот пат,со она што допрва ќе го создава,да не увери дека ова прво ( вевчанско ) дебатирање е заслужено и творечки успешно во очекување дека следните нејзини презентации ќе ги имаат ѕвездените мигови на нејзиниот сега веќе осведочен и потврден ликовен талент.А,тоа е доволно за успешен старт во светот на уметноста и во животот“ истакна Китаноски.


Инаку, младата Вевчанска сликарка Аница Китаноска, е родена 2000 –та година во Вевчани.Основно образование завршува во своетео родно Вевчани.Во 2018 година,во Државното средно училиште за ликовна уметност и дизајн „Лазар Личеноски“,отсек –сликарство во Скопје.Учествувала со свои слики на неколку колективни изложби,како и на Меѓународните ликовни колонии во Вевчани и Кочани.Сега е примена на на студии на престижната Ликовна академија во Равена -Италија.

  • Granit

ФОТО

 

ПРИДРУЖЕТЕ НИ СЕ НА FACEBOOK