Пет02212020

Последна промена08:10:55 PM

SCREEN

Cpanel

          

  • sileks
Back Вие сте на: Home Живот Светиот апостол Тимотеј - владиката слави именден

Светиот апостол Тимотеј - владиката слави именден

Сподели

Според календарот на МПЦ денес се одбележува Светиот апостол Тимотеј.

 Еден од Седумдесеттемина апостоли. Роден во Листра Ликаониска од татко Грк и мајка Еврејка. Мајка му и баба му Светиот апостол Павле ги пофалува за нивната нелицемерна вера (2 Тимотеј 1, 4 - 5). Во Листра Тимотеј за првпат се сретна со великиот апостол и самиот беше сведок кога Павле исцели еден човек од раѓање куцоног. Подоцна Тимотеј му беше речиси постојан сопатник на Павле, обиколувајќи ги со него Ахаја, Македонија, Италија и Шпанија. Голем ревнител за верата, извонреден беседник и благодушен, Тимотеј многу придонесе за распростирањето на христијанската вера. Павле го нарекува вистински син во верата (2, 1 - 2). По маченичката смрт на Св. апостол Павле, Тимотеј го имаше за учител Св. Јован Богослов. Но кога царот Дометијан го прогони Јован на островот Патмос, Тимотеј остана да епископува во Ефес наместо него. Во времето на еден идолски празник наречен Катагогиум незнабожците, лути на христијаните, подмолно и под маски го нападнаа Свети Тимотеј и го убија (околу 93 година). Неговите чесни мошти подоцна се пренесени во Цариград и погребани во црквата на Светите апостоли до гробот на Св. евангелист Лука и на Св. Андреј Првоповиканиот.

 

Дебарско – кичевската епархија ги известува своите православни верници дека на 4. Февруари 2020 година (вторник), во манастирот „Св. Климент и Пантелејмон“ - Плаошник – Охрид, со почеток во 8.45 часот ќе се служи света архиерејска литургија, по повод празникот „ Св. ап. Тимотеј“ (именден на Митрополит Тимотеј).На литургијата ќе чиноначалствува Неговото Високопреосвештенство Митрополитот Дебарско – кичевски и Администратор Австралиско - сиднејски г. Тимотеј.

 

Дебарско – кичевската епархија ги повикува сите свои верници на заедничко прославување на овој празник.

 

 

 

 

 

 

 

  • Granit

ФОТО

 

ПРИДРУЖЕТЕ НИ СЕ НА FACEBOOK