Пет05242019

Последна промена07:37:40 PM

 

  • sileks
Back Вие сте на: Home Живот Преподобната маченичка Евдокија

Преподобната маченичка Евдокија

Сподели

Според календарот на МПЦ денес се одбележува споменот на Преподобната маченичка Евдокија.

 

Живееше во феникискиот град Илиопол во времето на царот Трајан. Беше прво голема развратница, а потоа покајничка, испосничка и најпосле маченичка. Од развратниот живот имаше собрано големо богатство. По Божја Промисла пресврт во нејзиниот живот беше направил некој стар монах Герман, и тоа не сакајќи. Дојден по работа во градот, отседна кај еден христијанин чија куќа граничеше со куќата на Евдокија. Кога ноќе тој според својот обичај почна да чита од Псалтирот и од една книга за Страшниот Суд, Евдокија го слушна и ја обзеде таков ужас што остана будна до изутрина. А штом се зазори испрати слуги да го измолат тој монах да дојде кај неа. Герман појде и меѓу нив започна долг разговор за она што старецот го читаше минатата ноќ и воопшто за верата и спасението. Како плод на тие разговори Евдокија го замоли месниот епископ да ја крсти. По Крштението сиот свој имот ѝ го предаде на Црквата за да им се раздаде на сиромасите, ги отпушти своите слуги и робови, а самата се повлече во еден женски манастир. И толку одлучно се посвети на монашкиот живот во послушание, трпеливост, бдеење, молитва и пост, што после тринаесет месеци ја избраа за игуманија. Во манастирот проживеа педесет и шест години и се удостои пред Бога да ѝ даде толкава благодат што и мртви воскреснуваше. Кога извесен кнез Викентиј покрена гонење на христијаните, ја убија и Света Евдокија со меч. Таа е прекрасен пример како еден сад на нечистотијата може да се очисти и да се освети, да се исполни со скапоцен небесен мирис, што е благодатта на Светиот Дух.

Преподобен Агапиј

Беше ученик кај еден духовник во манастирот Ватопед. Го фатија морски разбојници и го продадоа како роб во Магнезија. После дванаесет години доживеа чудесно ослободување со помош на Пресвета Богородица. Своите поранешни господари ги крсти и им стана духовник. Остатокот од животот го мина во подвиг во Ватопед и мирно се упокои во Господ.

Светата маченичка Антонина

Родена во Никеја. Апсена и свирепо мачена за верата Христова. Бог ѝ ја спаси душата и ја прослави занавек меѓу небесните ангели и верниците на земјата.

 

  • Granit

ФОТО

 

ПРИДРУЖЕТЕ НИ СЕ НА FACEBOOK