Рибокрадецот претходно фатил 143 парчиња белвица.
38 годишен жител на Трпејца-охридското Сен Тропе, синоќа е уловен со 143 парчиња белвица и осум мрежи. На 02.12.2020 полициски службеници од СВР Охрид на брегот кај плажата „Акапулко“, го лишиле од слобода А.Б.(38) од охридското село Трпејца, поради извршен незаконит риболов во водите на Охридското езеро.
Стефан Димоски, портпарол на СВР Охрид, информира дека „при преглед на пловниот чамец, пронајдени се 143 парчиња риба белвица, осум рибарски мрежи и друг риболовен алат, кои се предадени на Хидробиолошкиот завод“.
-По целосно документирање на случајот, СВР Охрид ќе поднесе соодветна пријава, изјави портпаролот Димоски.