Во чест на празникот Пречиста го објавуваме ова прекрасно видео од малку познатата пештерна црква Св. Богородица, која се наоѓа во близина на с. Велгошти и североисточната периферија од Охрид.
Црквата „виси“ над реката Чардачница, длабоко всечена во карпи кои образуваат живописен кањон. А кога ќе стигнете, ако внимателно се загледате, отспротива високо во карпите се отсликал ликот на Св. Богородица.
Од некогашниот фреско-живопис зачувани се само фрагментирани остатоци во олтарниот простор од кои се доаѓа до сознание дека црквата била употребувана за монашки потреби кон крајот на XV и XVI век.
Пристапот кон црквата е од с. Велгошти и од Охрид, по земјена патека, која се искачува по карпестиот терен и ве остава без воздишка.
Видео