Синоќа на анфитеатарот во црквата Успение на Пресвета Богородица во Вевчани со звуците на македонската чалгиска музика заврши 12-тиот по ред фестивал на народна култура ,,Пображење” – Вевчани.
Пред многубројната публика со свој целовечерен концерт се претставија членовите на музичката група ,,Чалгија мерак ” кои преку изведба на стари македонски чалгиски песни и ора ја воодушевија публиката која простум стоејќи ги награди со долготраен аплауз. Во рамки на свеченото затворање беше презентирано и ликовното дело од авторот Никола Угриноски кој оваа година беше учесник во програмската содржина: ,,Народната култура во Вевчани, инспирација за ликовните уметници”. Стручниот совет на фестивалот во состав: Проф.Д-р. Мирјана Мирчевска, Проф.Д-р.Даворин Трпевски, Проф.Д-р. Велика Стојкова – Серафимовска, Јовица Блажевски и Наташа Кукоска одлучиа оваа година наградата ,,Чувари на традицијата” да се додели на ДМБУЦ,,Илија Николосвки – Луј”, насока за традиционална музика и игра, при што на свеченото затворање претседателката на стручниот совет на фестивалот Проф.Д-р. Мирјана Мирчевска ја додели плакетата.
Фестивалот и оваа година е под покровителство на Министерството за култура на РС Македонија и општина Вевчани.