На 17.11.2022 година во Скопје се одржа главниот настан од проектот GreenTech Entrepreneurship Challenge на кој тимот од ОЕМУЦ „Св. Наум Охридски“, составен од учениците: Климент Маријаноски, Дарко Крлески, Александар Спасеновски, Кристијан Ѓорески и Андреј Ванѓеловски, под менторство на професорката Ирена Ралева Најдевска со проектот „TrashPinger“ го освои првото место, а учениците беа прогласени за Еко-претприемачи за 2022 година.
GreenTech Entrepreneurship Challenge претставува проект, кој ги вклучува учениците од средните технички стручни училишта во процесот на дизајнирање бизнис-идеи базирани на зелени одржливи технологии.
На учениците и менторот им честитаме за постигнатиот успех и сметаме дека ваквите проекти ќе бидат поттик и за останатите ученици да развиваат и да презентираат свои идеи од различни области.