Сопственикот на ФОН Универзитетот Сефер Цаноски на својот фејбук профил, објави дека со авион во Охрид ќе бидат донесени посмртните останки на Маја Миа Јанеска.
„Ние имаме свои планови, но господ има негови. Од него сме создадени и кај него сите ќе одиме.
Не можам да поверувам дека повеќе не е меѓу нас а само минатата недела беше во Македонија да го прослави тоа што на државава и помогна да биде признаена од Јужна Африка и после долго време да се воспостават дипломатски односи.
Ја немав видено повеќе од 20 години од средношколските денови и минатата година во дебар мало некој ми вика “кај си школски ? Гледам познато лице. Море школски Маја ме заборај? 20 години сум Африка, останав ама не старееме, гледам дека си и ти добар , уба генерација сме не се даваме… Ај да и помогнеме на државава да се признај да напрајме нешто. . .
Од секогаш беше добричина, уникатна и своја. Ја имаше истата енергија со еден куп планови и беше полна со живот. Ми кажа дека создала голема мрежа на пријатели во многу држави на афричкиот регион и дека ја почитуваат како успешна жена. Во тоа се уверив и сам во моето патување во Африка кога организираше средби со неколку земји и со цел државен врв во Преториа на Јужна Африка. Беше многу почитувана таму. А само 3 дена подоцна Ј. Африка испрати писмо до МНР на МКД дека се подготвени да воспостават дипломатски односи. Желба и беше во Ј. Африка да има македонска амбасада, пишува Цаноски.
Не се соопштени причините за смртта, но според официјалните извори Јанеска починала во несреќен случај.
Вчера министерката на претседателот на Јужна Африка ми се јави со шокантна вест и ме извести дека во петокот сабајле Маја го загубила животот во несреќен случај.
Изразив сочувство до нејзината фамилија каде ме известија дека се слушнале со нејзиниот вереник од Јужна Африка за трагедијата која се случила и ветил дека заедно со авион ќе ги донесе посмртните останки да биде достоинствено погребана во својот Охрид., напиша Цаноски.
Маја Јанеска од Охрид 22 години живееше во Танзанија, беше инфлуенсерка, мејкап артистка но и успешна претприемачка. Неодамна беше во посета на Македонија, а на ФОН одржа мотивациско предавање на студентите.