Струга ќе блесне во празнично руво. Градот на мостовите ќе биде украсен за Новогодишните и Божиќните празници. Најавен е концерт за најмладите, но нема да има масовен дочек на плоштадот Мајка Тереза.
Поради кризата и препораките за штедење прославата ќе биде скромна, за оваа намена општината издвои 5000 евра.
„Увидовме дека граѓаните сакаат повеќе, без оглед дека има енергетска криза нешто да се направи и во делот на украсувањето. Најголемиот дел се однесува на ангажирање на музичарите за одржување на конерт за деца, но ќе направиме надополнување на програмата за Новогодишен дочек“, вели Арбреша Влаши претседателка на Совет на општина Струга.
И покрај енергетската криза, за празниците нема да има рестрикции на уличното осветлување. Градот ќе биде осветлен бидејќи се очекуваат голем број туристи.
-„Тоа значи дека за време на празниците Новогодишните и Божиќните централното јадро во градот ќе биде осветлено и ќе се прилагодиме кон празничната атмосфера“, додава Влаши.
Општина Струга веќе неколку месеци штеди електрична енергија, јавното осветлување се исклучува, на што реагираат граѓаните, а поднесен и е Управен приговор.
Новинар Соња Рилковска