Потрошувачката кошничка за четиричлено семејство во земјава достигна 51.714 денари. Оваа сума е за 1490 денари повисока во однос на септември. Владата неодамна излезе со тврдење дека цените ќе се намалат за 10 отсто како резултат на мерката за субвенционирање на електрична енергија за бизнисите. Но, граѓаните велат дека не забележуваат промена на цените, некои велат дека има минимално намалување на некои производи, а некои велат дека кренале раце, бидејќи не можат воопшто да сфатат што се случува.