

30-тина семејства од социјално ранлива категорија во Охрид се обезбедуват со еден оброк дневно од народната кујна во Охрид. Но голема е веројатноста дека во Охрид бројот на лица кои во денот не можат да си обезбедат барем еден топол оброк е поголем.
Народната кујна со средствата кои ги добива од држава за приготвување на оброците едвај ги набавува потребните продукти поради растот на цените.
Зголемувањето на цените на прехрамбените производи годинава имаат големо влијание и претставуваат проблем во работата на Нардоната кујна во Охрид. Жарко Куциноски, директорот на Студентскиот дом, вели дека треба да се преземат мерки со кои би се нивелирал соодносот на дотацијата која ја добиваат за порција со цената на потребните продукти за нејзино приготвување


.
„Можам да кажам дека цената на еден оброк изнесува 72 денари надополнет со 5%данок тоа е 75,6 денари. Не е доволно со оглед на моменталната економска ситуација, односно економската криза не не одбегна и нас, ние ке побараме од Министерството за труд и социјална политика да биде покачена, ова веќе како што реков е многу мала цена. Она што го дибиваат социјалните случаи за таа цена е навистина смешно.“, истакна Жарко Куциноски во изјава за ТВМ телевизија.
Корисниците на топол оброк во петок ги добиваат и останатите порции кои се предвидени за викенд. За приготвување на топлите оброци при Народната кујна која започна со работа во 2009 година, задолжени се шест вработени од студентскиот дом. Директорот Куциноски упати апел до граѓаните и фирмите кои се во можнсот да донираат храна за сограѓаните од ралнива категорија.