Како дел од чествувањата и обичаите поврзани со празникот Свети Јован Крстител, денеска на месноста Сараиште во Охрид се одржа манифестација Денот на рибарите.
Во духот на традицијата, фаќачот на Чесниот крст заедно со неговата тајфа повторно влегоа во водите на Охридското езеро. По нив влегуваат и други капачи.
Оваа традиција беше збогатена и со настап на Охридскиот музички еснаф.
Годинава изостана подготувањето на познатата рибна чорба и пача. за големиот број присутни граѓани кои уживаа во убавата празнична атмосфера се делеше греана ракија.