По повод месецот на ретки болести, советниците на Советот на Општина Охрид се вклучија во кампањата „Ги запознаваме ретките болести 2023“, која започна денеска и ќе трае до крајот на месец февруари.
Со боење на едната дланка како симбол за 5% од пациентите со ретки болести кои имаат пристап до лекови, охридските советници испратија порака за поддршка и изразија надеж дека ќе се обезбедат подобри услови за лекување и третман на сите лица со ретки болести.
Поддршка на кампањата даде и градоначалникот на општина Охрид Кирил Пецаков.
Инаку, Локалната самоуправа и оваа година активно ќе се вклучи во кампањата „Ги запознаваме ретките болести 2022“ со осветлување на општинската зграда, јавни објекти и локации во боите на ретките болести.