Издавањето на Охридското Езеро под концесија за стопански риболов се коси со препораките на Унеско

Струшката фирма „Еко свест“ ја доби концесијата за стопански риболов на Охридското Езеро. Експертите велат доделување на концесија за риболов е контрадикторна одлука и се коси со Стратешкиот план за рехабилитација на Охридскиот регион, кој го изработија македонската и албанската влада. Во него јасно стои дека има забрана за риблов на ендемичните видови риби, кои со години се на работ на исчезнување.

-„На овој документ јасно стои дека треба да има целосна забрана за риболов на Охридското Езеро до моментот кога ние ќе имаме податоци дека рибниот фонд не даде гаранција дека немаме проблем за најважните видови риби – ендемичните.Од другата страна пред една недела министерството за земјоделство  го дава под концесија Охридското езеро“, вели Аријан Мероли истражувач и експерт за заштитени подрачја.

Согласно договорот, концесионерот годишно ќе може да лови 3000 кг пастрмка, 8000 кг белвица, и лимитирани квоти од другите видови риби, што според експертите доколку се придржува за шест години ќе има загуба од околу 2 милиони евра.

-„Еден детален финансиски план покажа дека концесионерот ќе има загуба околу 2 милиони евра за 6 години. Затоа што концесијата според основниот документ на рибарство укажува дека треба да има лимитиран лов на пастрмка, белвица, јагула, крап и другите видови риби.И според стандардните цени кои ги има сега на пазарот овие риби ние правевме анализа која покажа максимум може да заработи во текот на 6 години е 1,900 000 евра. А според условите на концесија треба да има 12 чувари, кајчиња, менаџер на финасии плус 30 кајчина и 60 рибари и според минималните цени на овие трошоци ини 3,7 милиони евра “ , појаснува Мероли.

Според експертите со издавањето на Охридското езеро под концесија за стопански риболов се прекршуваат и двете препораки на Унеско а тоа се: да се направи детална анализа на рибниот фонд во Охридското Езеро и воведување на унифициран систем за риболов во двете земји.
Инаку, во 2020 година, поради незаконско работење, Владата ѝ ја одзеде концесијата за риболов на фирмата „Летница белвица“.

Новинар Соња Рилковска

 

Social profiles

Охрид

Струга

Вевчани