СОСУ ,,Св.Кирил и Методиј“- Охрид добива нов лик.
Продолжуваат активностите во насока на целосно реновирано училиште.
Конструирана е нова, современа топлотна пумпа за ефикасно и економично затоплување на просториите во училиштето, информираат од училиштето.
-„Во тек е хортикултурно и пејзажно уредување на училишниот двор и училишната Зелена градина која ќе добие комплетно нов изглед. Покрај целосно реконструираната фасада на училишната зграда во тек е и реконструкција на фасадата на училишната спортска сала. Извршена е целосна промена на електричната инсталација во училиштето, вградени се внатрешен противпожарен и алармен систем и надворешна противпожарна хидрантска мрежа со што се подигнува степенот на безбедност во училиштето“, пишуваат од училиштето „Св. Кирил и Методиј“ Охрид.
