Заменик министерката за здравство Маја Манолева денес во посета на ЈЗУ Специјализирана болница за нефрологија – Струга.
-„Во текот на мојата посета на болницата, имав можност да се запознаам со процесот на работа, структурата на вработените и со стручниот лекарски тим, а ги посетив и салите за хемодијализа, амбулантно поликлиничкиот дел, кабинетот за ехотомографија и микробиолошката лабораторија.
Додека бев таму, имав прилика да се сретнам и разговарам со пациентите кои се на хроничен дијализен третман и посебно сум импресионирана од нивната силна желба и борба за подобрување на сопственото здравје. Исто така, многу сум им благодарна на сите вработени во болницата, чии грижи и ангажман имаат суштинска улога во подобрувањето на здравствената состојба на пациентите“, информира заменик министерката за здравство Маја Манолева.
