Новото поскапување на електричната енергија, од 1 јули годинава нема да предизвика нов ценовен удар и нема да ги поскапи туристичките аранжмани. Малите потрошувачи или помалите фирми ќе добиваат слични сметки за струја како и досега.
Оттука не се очекува поскапување на цените ниту во хотелското, ниту во приватното сместување.
-„Се надеваме дека ова поскапување нема да е толку значајно и ќе помине полесно од минатата година. За разлика од минатата година сега речиси и нема хотел кој нема поставено фотоволтаични централи“, вели Крсте Блажески претседател на ХОТАМ.
Цените на аранжманите во ек на туристичка сезона на брегот на Охридксото езеро во хотелите со 4 или 5 ѕвезди се движат од 40 евра до 60 евра ноќевање со појадок, што според ХОТАМ се уште се најевтини во регионот.
-„Ние дестинациски каде што сме се уште сме една од поевтините дестинации ако се споредуваме со Хрватска, Црна Гора, Грција па дури и Албанија. Ние се уште сме од поевтина категорија на сместувачки капацитети“, додава Блажески.
Енергетската криза хотелскиот сектор силно ја почуствува лани кога салдата на сметките на крајот на годината на поголемите хотели останаа во негатива.
Новинар Соња Рилковска