Приближно 40 подводни ентузијасти од Струга, Охрид, Тетово, Скопје, Кавадарци, Белград, Битола и Штип на иницијатива на нуркачките клубови Норкач и Скаут од Струга се собраа во с. Радожда и реализираа успешна Еко акција за чистење на брегот од Охридското езеро.
-„За жал, извадивме многу ѓубре, но остана уште многу повеќе и нашата заложба е оваа акција да ја спроведуваме и во следните години бидејќи Охридското езеро е одговорност на секој од нас!
Голема благодарност до сите учесници, како и до оние кои несебично не поддржаа во нашата намера“, пишуваат од Diving.mk.
