Паркирање на јавни површини и насекаде на плажите на брегот на Охридското езеро е однесување со недостаток на елементарно национално чувство, немање култура и најважно од се е немање основно домашно воспитување, пишува фејсбук страницата „Глас за спас на Охрид“.
Од таму повикуваат да се постават информативни табли, а посетителите да не ги паркираат автомобилите на плажа.
-„Општина Охрид нека постават табли за забрането паркирање на плажите на Охридското езеро, а потоа заедно со Министерството за внатрешни работи нека пишуваат високи казни.
Можеби така некои несовесни граѓани ќе се освестат и ќе се научат на ред ‼️
Ги повикуваме институциите да реагираат согласно своите законски надлежности‼️
Охридското крајбрежје заслужува сите да го чуваме и негуваме, а не да го уништуваме ‼️
Фотографиите се превземени од ФБ профили на загрижени, културни и совесни граѓани“, пишуваат од „Глас за спас на Охрид“.
