Поскапување на голем број производи, во август инфлација од 8,3%

Во август е измерена инфлација од 8,3 проценти. За толку е зголемен индексот на трошоците на животот во однос на ланскиот август. Индексот, пак, на цените на мало бележи зголемување од 5,6 проценти.

Последните податоци од Државниот завод за статистика покажуаат дека индексот на трошоците на животот во август, во споредба со претходниот месец изнесува 101.2, а индексот на цените на мало 101.3.
За само еден месец, од јули до август, зголемување има кај свежото и разладеното овошје за 7,8 насто, свежиот и разладениот зеленчук, освен компирите и другите коренести плодови за седум, сирењето и урдата за 3,2, млекото за 2,6, лебот и житата за 1,6, месото за 0,9, кафето, чајот, какаото за 0,8, минералната вода, газираните пијалаци, соковите од овошје и зеленчук за 0,6, шеќерот, џемот, медот, чоколадата и кондиторските производи за 0,4, пивото за 0,3 и прехранбените производи неспоменати на друго место за 0,2 проценти.

Social profiles

Охрид

Струга

Вевчани