Караванот Ние сме Европа предводен од Маричиќ продолжува денес во Охрид, во посета на Куќата на Робевци.
„Нашата цел и задача е да се заштитува македонското културно наследство, да се обезбеди национално знаење и да се зачува македонскиот идентитет во рамки на европското семејство.
Почитувањето на различните културни и традиционални вредности е една од клучните вредности во Европската унија.“ – изјавува Маричиќ.
Македонскиот интегриран идентитет, значи идентитет кој се промовира и заштитува рамо до рамо со останатите, идентитет кој е жив, кој се развива и постојано се засилува токму преку зачувување на културното и природното богатство. Идентитетот на државата којај се грижи за своите корени и историја, но и се отвора кон нови идеи и влијанија е тој што добива почит од сите нас но и од пошироката светска јавност.
Во Северна Македонија, иднината се создава преку соработка, размена на знаење и взаемно почитување. Природната убавина, како и културното богатство се чуваат преку заштита на животната средина, почит кон националното наследство со кое располагаме, негово негување и зачувување. Убавината која ја краси овој регион е наследство кое ние имаме задача да го одржиме и да го заштитиме за кое ќе сведочат нашите поколенија во иднина.
Сведоци сме на изложените артефакти пронајдени на локалитети во градот Охрид (Плаошник, Горна Порта, Самоилова Тврдина и др.) и поширокиот Охридски регион. Предмети кои потекнуваат од различни периоди, почнувајќи од раниот неолит , останатите праисториски епохи, антиката, па се до средниот век. Во собата се изложени златни и позлатени предмети со временска припадност од 7. век пне до 4. век од н.е.
И доколку сме успеале да ги пронајдеме и заштитиме, наша цел е да создадеме услови да ги пренесеме во македонската колективна меморија.“
На посетата во куќата на Робевци, присуствуваа Вицепремиерот Маричиќ, амбасадорот на Република Словенија Грегор Прескер и директорот на агенцијата за промоција и поддршка на туризмот Љупчо Јаневски заедно со директорката на НУ Завод за заштита на спомениците на културата и музеј – Охрид, Ирена Шајн.