Со симболично осветлување на училишниот објект, ОЕМУЦ „Св. Наум Охридски“ вечерва се приклучи кон иницијативата за подигнување на свеста за ретките болести.
Со овој чин училиштето испрати порака на солидарност, разбирање и поддршка до сите лица и семејства кои секојдневно се соочуваат со предизвици што ретко се видливи, но длабоко присутни во нивниот живот.
„Ретките болести не се ретки за оние што живеат со нив“, порачуваат од училиштето, нагласувајќи дека заедницата мора да покаже повеќе емпатија, информираност и поддршка.
Иницијативата има за цел да ја потсети јавноста дека зад секоја ретка дијагноза стои човек, семејство и тивка, но постојана борба за достоинствен живот.
Да бидеме гласот на оние што тивко се борат.
Да градиме општество со повеќе солидарност и човечност.
