Денеска во близина на седиштето на ЕВН во Охрид се одржа протестот „ПОВЕЌЕ НЕ СЕ ТРПИ“.
Во организација на месната заедница од селото Куратица, денеска напладне во близина на седиштето на „ЕВН“ во Охрид, беше одржан мирен протест.
-Целта на овој протест е да изразиме револт и предупредиме дека ЕВН треба да инвестираат во мрежата, бидејќи и оваа зима како и низа претходни нашите села со денови се без струја и одсечени од цивилизацијата, рече претседателот на месната заедница од Куратица, Горан Ангелоски. Апелираме да се стави крај на оваа несериозност од ЕВН бидејки жителите од селата во поранешната коселска општина се оштетени, доставивме писмено барање до ЕВН за санирање на катастрофалните состојби со електричната мрежа. Н денешниот мирен птотест пред ЕВН беа поставени повеќе транспаренти со низа пораки и барања до ЕВН.
