Ќе се забрани греењето на јаглен во Република Македонија.
Македонија до 2020 година ќе забрани јагленот да се користи како средство за затоплување, ова го истакна заменик-минситерот за животна средина Јани Макрадули, кој учествува на Светската климатска конференција во Бон.
– Две третини од загадувањето во Скопје е резултат на затоплувањето на домовите и користењето на несоодветни материјали и затоа тоа е приоритет на Владата за решавање, изјави Макрадули за Дојче веле на македонски јазик, пишува Вечер.
Некои податоци, како што соопшти, покажуваат дека дури 100 семејства на територија на општина Центар во Скопје се греат на јаглен, а многу од домовите се затоплуваат со неквалитетни дрва но и со друг штетен материјал.Макрадули вели сите дишеме ист воздух и сите сме заинтересирани за намалување на загадувањето, кое може да се реши само со интегриран пристап и со активности во сите области паралелено и со мерки на долг рок но кои треба веднаш да почнат да се реализираат.