Ученици од средното стручно електро-машинско училиште „Св. Наум Охридски“ во Охрид, ја создадоа првата апликација за подигнување и промовирање на еколошката свест.
Апликацијата TrashPinger, ќе послужи како еко-аларм, за пријавување диви депонии во градот, а потоа преку координација со ЈП Охридкси Комуналец и невладините организации нивно расчистување. Младите понудија современа и иновативна можност за зачувување на чиста и здрава животна средина. Идејата е на учениците, а се роди поради тоа што заедно со менторката често организирале еко акции.
-„Оваа апликација ја правиме од октомври 2022 година, кога започнавме со Грин тек натпреварот. Грин тек беше натпревар кој што се одржуваше за еко прептрпиемачи и ние освоивме на тој натпревар прво место“, вели Климент Маријаноски генерален менаџер во тимот.
– „Задолжен сум за табелите, активниот и пасивниот дел на нашите придобивки и самиот профит на нашата апликација“, вели Дарко Крлески финансиски менаџер на компанијата.
– „Ние до нашата идеја стигнавме со спроведени 10 еко акции видовме дека многу ѓубре се собира на истите места, откако ќе исчистиме и дојдовме до оваа идеја како еден начин да го решиме проблемот со загадувањето во Охрид“, вели Ана Спироска маркетинг менаџер на компанијата.
Учениците од втора година од комјутерска техника и автоматика, се закитија со награда прво место за еко претприемачи за 2022 година и се пласираа во најдобрите 25 компании, на Џуниор ачивмент во земјава.
-„Откако ние ќе добиеме пријава, ние ја известуваме комуналната служба, еко здруженијата и ние како волонтери можеме да помогнеме во расчистувањето на тој отпад“, вели Александар Спасеноски администратор во компанијата.
-„Нашиот тим брои пет членови плус нашиот ментор. Добрата тимска работа е клучот за постигнување успех“ , вели Ана Атанасоска менаџер за човечки ресурси.
Интересно е што со пријавувањето на отпад и диви депонии, лицата кои пријавиле добиваат бенефиции, односно попусти за користење на одредени услуги во градот Охрид. Се собираат поени, а се освојува и награда.
-„Можам да кажам дека децата самостојно си ги сработија сите работи, јас тука бев како нивна поддршка и координација. Целта на овој проект е да се подигне јавната свест кај населението, колку е важно да внимаваме и да придонесуваме за почист и поубав Охрид, вели Ирена Ралева Најдевска професорка – ментор на учениците.
Апликацијата Траш Пингер е единствена платформа во земјава од ваков тип, а веќе се користи, се‘ повеќе корисници пријавуваат диви депонии.
Апликацијата може да ја спуштите на овој линк