Синоќа, под отвореното небо во Охрид, се одржа третото издание на Night Car Show, каде на едно место се собраа заедно сите кои ја делат истата страст – љубовта кон автомобилите. Ова не е само настан, ова е своевидна изложба на технологијата, дизајнот и креативноста.
На настанот присуствуваше и градоначалникот Пецаков.
Секој автомобил има своја приказна. Секој е дело на посветеност, трпение и страст. Од класичните убавици кои го носат духот на минатото, преку современите суперѕверки кои ги поместуваат границите на брзината, до уникатните модифицирани возила кои ја отсликуваат личноста и карактерот на нивните сопственици.
Овој настан е посветен на возачите, на ентузијастите, на механиката, на дизајнерите односно на љубителите на уникатните авотмобили. Вие сте срцето на оваа автомобилска култура, напиша Пецаков.
