Одделението за инспекциски надзор при Општина Охрид ги известува граѓаните дека во периодот од 27 до 31 јули ќе се спроведе административно отстранување на 10 нелегално изградени гаражи на катастарската парцела К.П. 11022/20, К.О. Охрид 2, која е државно земјиште во сопственост на Република Северна Македонија.
Од Општината апелираат сите подвижни и неподвижни предмети што се наоѓаат во гаражите да бидат навремено отстранети од нивните корисници. Во известувањето се наведува дека станува збор за непознати лица.
Доколку предметите не бидат отстранети во предвидениот рок, тие ќе бидат отстранети од страна на надлежните служби и одвезени на депонија. Општина Охрид информира дека активностите ќе се реализираат согласно законските процедури за отстранување на бесправно изградените објекти.