Полицијата приведе двајца возачи кои управувале возила под дејство на алкохол. Во Струга, 65-годишен охриѓанец со 1,70 промили алкохол во крвта предизвикал сообраќајна незгода, по што бил лишен од слобода. Неколку часа претходно, на локалниот пат меѓу Мислешево и Мороишта, бил приведен и 48-годишен жител на Октиси кај кого биле измерени 1,51 промили алкохол. Против двајцата ќе бидат поднесени соодветни пријави.