Семинар за даночни службеници во Охрид

Изминатиов викенд, во Охрид се одржа семинар за даночни службеници од даночните инспекторати на УЈП.

На семинарот  учество зеде  и Царинската управа на РМ.

-„Соработката меѓу Царината и Управата за јавни приходи е особено важна од причина што и двете администрации се соочуваат со нови предизвици, како резултат на брзата глобализација на трговијата и финансиските системи, што наметнуваат нови очекувања за Владата на Република Македонија и пошироката заедница во борбата против нелегалните финансиски текови, организираниот криминал и даночната евазија. Новите насоки на соработка треба да се фокусираат кон подобрување на царинското вреднување и трансферните цени, даночната транспаретност и размената на информации и електронската трговија“, вели Гоко Танасоски директор на Царинската управа на РМ.