Во Охрид ќе се одржи првата едукативна и креативна работилница во рамки на големиот проект „Собираме и ре-креираме со Бимилк“.
Датум: 30.11.2017 (четврток)Време: 10.00 часотЛокација: Градинка „Јасна Ристеска“, клон „Развигорче“, ул. Васил Главинов бр. 12 (позади Заводот за вработување)
Работилницата е со цел поттикнување на навиките за зачувување на животната средина уште од најрана возраст, а главен аниматор за децата ќе биде препознатливиот лик на Битолското Чупе.
-Во проектот се вклучени близу 2.000 деца од 8 градови ширум државата, а истиот е најавен како пилот проект, со заложба да продолжи да живее и во наредните години.
Градот Охрид и дечињата од градинката „Јасна Ристеска“ се вклучени уште во првата година, па ќе ни претставува навистина големо задоволство доколку го поддржите овој хуман проект и ја посетите првата работилница.Проектот подразбира реализација на едукативни работилници наменети за деца од 4 до 5 години, а во нив се вклучени близу 2.000 деца од повеќе од 60 градинки ширум државава. Се работи за иницијатива во која Бимилк ги поттикнува децата да собираат празни амбалажи од Битолско млеко и од нив понатаму да изработуваат разни корисни предмети што може да имаат секојдневна употреба, со цел уште од најрана возраст да ја научат важноста за рециклирање и зачувување на животната средина.
Истовремено, проектот има цел да ја поттикне и хуманоста кај децата бидејќи на крајот предметите ќе бидат изложени на голем хуманитарен базар на кој собраните средства ќе бидат донирани за СОС Детско село Македонија.