На планинскиот превој Буково наместа има остатоци од кашест снег на коловозот, соопшти утринава Авто мото сојузот на Македонија.
Во северните, западните и југозападните делови од државата сообраќајот се одвива по влажни коловози, а во останатите делови коловозите се наместа влажни.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.