Продолжуваат натрпосечно топли октомвриски денови.
Времето денеска ќе биде сончево со мала до умерена локална облачност, во попладневните часови oблачноста ќе се намалива и ќе преовладува ведро време. Ќе дува слаб до умерен ветер од југоисточен и југозападен правец, соопшти УХМР.
Утринската температура ќе се движи од 7 до 13, а дневната ќе достигне од 22 до 29 степени.
Во наредните денови, времето во земјава ќе се задржи стабилно, суво и релативно топло за овој период од годината. Од петок се очекува промена на временската состојба.