Пазарниот инспекторат од Струга најавува засилени контроли во однос на спроведувањето на препораките за заштита од корона вирусот.
Во изминативе два месеци направени се 3000 контроли, а изречени се 59 прекршочни мерки од кои ниедна не се однесува на непочитување на ковид протоколите.
Во угостителските и хотелските објекти олабавени се мерките, дозволени се и свадби, прослави и веселби. Угостителите велат бараат сертификати, но немаат надлежност, ниту можат да утврдат, кои од нив се фалсификувани и дали припаѓаат лично на лицата кои ги посетуваат локалите, бидејќи не смеат да им бараат лични карти. Документи за идентификција не смее да бара ниту пазарниот инспектор, тоа право го има само полицијата.
-„Од 27 октомври има измени по одлуките, се дозволуваат свадбите и мислам дека сега ќе имаме повеќе засилени конторли од тој аспект. Изминативе два месеци имаме извршено вкупно осум контроли со МВР, така што овој период ќе бидеме повеќе присутни на терен“, вели
Најголем дел од казните во струшко се однесуваат на непочитување на Законот за заштита од пушење и законот за трговија. Граѓаните често поднесуваат преставки до пазарните инспектори за неисправна техничка роба и производи.
„Најчесто имаме по закон за потрошувачи за расипан телефон под гаранција, расипана машина за перење и по тие преставки се постапува со рок преземаме мерки. Во тровија имаше неистакнати цени, нерегистрирани трговци, во угостителство имаше за заштита од пушење. Евиденција на трговија, неистакнати цени и декларации тие се најчестите прекршувања“ вели Шпенди Илјази раководител на Пазарен инспекторат Струга.
За непочитување на потоколите за заштита од корона вирусот по законот за заштита од заразни болести казните изнесуваат и до 7 000 евра и решене за забрана за работа.
Минатата година пазарните инспектори во струшко поднесоа 36 кривични пријави за угостители, кои не ги почитуваа протоколите.
Новинар Соња Рилковска