Стружанец насилно си ја зел колата одземена од пајак службата во Охрид.
На 10.01.2025 во 18 часот, во СВР Охрид е пријавено дека, едно лице насилно ја отворило металната врата од паркинг простор на улицата „АСНОМ“ во Охрид, кој го користи ЈП „Комуналец – Механизација“, каде било паркирано патничко возило „фолксваген поло“ со струшки регистарски ознаки, претходно одземено од пајак службата на претпријатието, и откако го отклучил, заминал со него. Се работи на расветлување на настанот, по што ќе биде поднесена соодветна пријава, информира портпаролот на СВР Охрид Стефан Димоски.