Охрид гордо може да се пофали со нови успеси на младите таленти. Нина Стевоска и Горазд Блажески, двајца млади охриѓани кои моментално студираат во Словенија, се добитници на златен медал на престижен меѓународен натпревар по астрономија и астрофизика.
Нивниот извонреден успех е постигнат под менторство на професор Александра Томоска, која со својата посветеност и поддршка придонесе младите таленти да ги покажат своите знаења и вештини на највисоко ниво. Овој резултат претставува не само личен успех за Нина и Горазд, туку и голема гордост за Охрид и Македонија, покажувајќи дека младите од нашиот град можат рамноправно да се натпреваруваат со врвни таленти од целиот свет.
