Започна изборниот процес за осмите локални избори во земјава. Во општина Охрид сите 87 избирачки места беа отворени точно навреме, освен едно каде изборниот рпоцес започна со задоцнување од половина час, поради технички проблеми. Во избирачкиот список во општина Охрид се запишани вкупно 52580. Во Охрид граѓаните бираат меѓу четири кандидати за градоначалник и 11 советнички листи.
Изборниот процес, без никакви забелешки започна и во општина Струга. Таму навреме беа отворени сите 101 избирачко место, а право на глас имаат 62 711 граѓани. Во Струга граѓаните бираат меѓу 9 кандидати за градоначалник и 10 советнички листи.
Навреме и без технички проблеми се одвива изборниот процес и во општините Дебрца и Вевчани.