По вчерашните снежни врнежи, кои беа поинтензивни во повисоките населени места, дежурните екипи на ЈП „Охридски Комуналец“, заедно со целокупната расположлива механизација, интервенираа во текот на ноќта и рано изутринава со цел да се овозможи безбедно движење на возилата и нормално функционирање во зимски услови.
Со абразивни средства беше интервенирано на повеќе локации, меѓу кои Стар Град, населбата „Гоце Делчев“ – Бараки, како и селата Велестово, Елшани и Горно Коњско.
Од јавното претпријатие информираат дека состојбата се следи и дека екипите ќе интервенираат и понатаму, доколку има потреба.