По трагичниот настан што се случи на 6 февруари во селото Велгошти, кога по експлозија на плин избувна пожар и сериозно го оштети домот на семејството Ѓоршески, на социјалните мрежи се шири апел за помош и поддршка.
Во несреќата беше повредена 44-годишна жена, а домот – местото што треба да значи сигурност и топлина – денес е симбол на болка и неизвесност.
Блиските и пријателите на семејството повикуваат на хуманост, истакнувајќи дека во вакви моменти најважно е да не се дозволи некој да остане сам во својата мака. Секој придонес, без разлика на износот, може да помогне во обновувањето на домот и враќањето на барем дел од нормалноста во нивниот живот.
Ова е време кога зборовите не се доволни – потребни се дела. Велгошти и Охрид многупати покажале дека знаат да се обединат кога е најтешко.
Донациите може да се уплатат на:
Уни банка
Сметка: 240127121955848
Тодорче Ѓоршески – сметка за донации
Понекогаш доволна е мала искра за да избувне пожар. Но исто така, доволна е и мала искра на добрина за повторно да се изгради надежта.