Општина Охрид објави јавен повик за субвенционирање на граѓаните за набавка на модерен систем за затоплување – инвертер клима уреди за 2026 година.
Повикот е дел од Програмата за заштита на животната средина и природата, со цел да се стимулираат домаќинствата да користат енергетски поефикасни и еколошки прифатливи решенија за затоплување.
Со оваа мерка, локалната самоуправа има за цел да придонесе кон намалување на загадувањето и подобрување на квалитетот на животната средина во градот.
Право на учество имаат жителите на општина Охрид, а потребната документација, вклучувајќи образец и изјава, е достапна на официјалната веб-страница на општината.
Деталите за начинот на аплицирање и условите се објавени во јавниот повик, а граѓаните можат да аплицираат согласно утврдените критериуми.