На 29 мај на плоштадот „Христо Узунов“ во Охрид ќе се одржи настанот „Chill & Connect“ – музика, дружба и волонтерски можности, во организација на Младински Центар Охрид. Настанот ќе трае од 11:00 до 15:00 часот и претставува трето издание на Саемот за волонтерски можности, овојпат во поопуштен и интерактивен формат.
Целта е младите и граѓаните да се запознаат со организациите, фестивалите и иницијативите кои нудат можности за волонтирање и активно вклучување во летните настани и активности во Охрид.
На саемот ќе учествуваат повеќе локални организации и иницијативи, меѓу кои: Црвен Крст – Охрид, Ohrid Ultra Trail, Културолошка Иницијатива „5 до 12“, SUP Club Ohrid, Beach Film Festival, Lychnid Coffee Society, Планинарски клуб VertiTrail, Академија Сјај и Ohrid Cocktail Festival.
Во рамки на настанот ќе бидат поставени информативни штандови, ќе се организираат интерактивни игри и активности, а посетителите ќе имаат можност директно да се пријават за волонтирање.
За музичката атмосфера ќе бидат задолжени DJ Leo и DJ Dostin во соработка со Lychnid Coffee Society, додека Pako House ќе понуди кафе, палачинки и освежување со специјален попуст за посетителите.
Организаторите упатуваат покана до сите млади, средношколци, студенти и граѓани да присуствуваат, да се информираат и да го пронајдат своето место во летните случувања во Охрид.