Општина Охрид на 1 октомври започнува со петдневна стручна обука наменета за жени претприемачи, согласно годишната програма на Одделението за локален економски развој.
Обуките ќе ги реализираат стручни лица од World Smart Education, а пријавувањето е отворено од 15 до 25 септември 2026 година.
Заинтересираните можат да се пријават на телефонскиот број 070 841 266 или преку електронската адреса worldsmarteducation@yahoo.com.
Учесничките по завршувањето на обуката ќе се стекнат со практични знаења и вештини од областа на претприемништвото, ќе имаат можност да разменуваат искуства и бизнис идеи, а ќе добијат и сертификат за завршена обука.
Од Општина Охрид посочуваат дека со проектот продолжува спроведувањето на мерките предвидени во Стратегијата за поддршка на женското претприемништво, со цел создавање поволни услови за развој и афирмација на жените во бизнис-секторот.