Дебарско-кичевската епархија ги поканува верниците на одбележувањето на споменот на охридскиот закрилник и мизиски чудотворец, Свети Наум Охридски, еден од најпочитуваните светители во православната традиција.
По повод празникот, на 2 јули (четврток), со почеток во 19 часот, во манастирот посветен на Свети Наум ќе биде отслужена празнична вечерна богослужба, со која ќе чиноначалствува Неговото Високопреосвештенство, митрополитот Дебарско-кичевски, Георгиј.
Празнувањето продолжува и наредниот ден, на 3 јули (петок), кога од 8:45 часот ќе се служи света архиерејска литургија. Со богослужбата ќе чиноначалствува митрополитот Георгиј, во сослужение со митрополитите Пимен и Иларион.
Од Епархијата упатуваат повик до сите верници да се придружат на празничните богослужби и во молитвено единство да го прослават Свети Наум Охридски, испросувајќи преку неговите молитви Божји благослов, мир и спасение за сите.