Директорот на фестивалот Охридско лето Ѓорѓи Цувковски оставри средба со претседателката Гордана Силјановска Давкова.
– Честитки до Ѓорѓи Цуцковски за неговото назначување за директор на НУ „Охридско лето“.
Уверена сум дека под негово раководство нашиот најголем културен бренд ќе продолжи да негува високи уметничко-естетски вредности и критериуми и да остварува врвни фестивалски програми со свежи, модерни и креативни содржини.
Како покровителка на фестивалот, со нетрпение ги очекувам уметничките дострели на претстојното 65. издание. Со својата препознатливост и меѓународен карактер „Охридско лето“ е додадена вредност на културната дипломатија, во којашто силно верувам, сподели претседателката Давкова на официјалниот Фејсбук профил.
