Претседателката на државата Гордана Силјаноска Давкова, заедно со премиерот Христијан Мицковски и нивните семејства радосната вест за Христовото восресение, синоќа ја дочекаа во црквата Света Богородица Перивлепта во Охрид. Во нивна придружба беше и вицепремиерот Александар Николоски, градоначалникот Кирил Пецаков со сопругата, министерот за внатрешни работи Панче Тошкоски и пратеникот Сашо Донев.
-Вечерва заедно со охриѓани во црквата Св. Богородица Перивлепта го дечекавме Христовото воскресение. Нека светлината од Воскресението на Христос донесе мир, љубов и надеж кај сите! Да ја славиме оваа победа на животот над смртта со вера, радост и благодарност. Христос воскресна! Навистина воскресна!, напиша премиерот на официјалниот профил.
